मुंबई मेट्रोला तुमच्या जीवाची काळजी, प्रवाशांसाठी मोठी बातमी, ५ लाखांची रक्कम, फक्त…
मेट्रो २ अ वरील गुंदवली ते गोरेगाव पूर्व आणि मेट्रो ७ वरील अंधेरी पश्चिम ते वळनई या दोन नवीन मार्गिकांचे लोकार्पण पंतप्रधान नरेंद्र मोदी यांनी २० जानेवारीला (गुरुवारी) केले. नवीन विस्तारित मार्गिकांमुळे मुंबईकरांच्या वेळेची मोठी बचत होतीये.
![](https://dakshpolicenews.com/wp-content/uploads/2023/05/maharashtra-times-100600853.jpg)
मुंबई : मुंबईत नव्याने पूर्ण रुपात सुरू झालेल्या मेट्रो २ अ व मेट्रो ७ च्या प्रवाशांना ५ लाख रुपयांपर्यंतचे अपघात विमा कवच असेल. अपघातानंतर रुग्णालय उपचारापोटी १ लाख रुपयांचे विमा संरक्षण असेल. तसेच ओपीडी व आंशिक अंपगत्व आल्यासदेखील कवच असेल. त्यामुळे मेट्रोने प्रवास करणाऱ्यांना मुंबईकरांना मोठा दिलासा मिळालेला आहे.या विमा योजनेनुसार अनपेक्षित घटनांमुळे दुर्घटनाग्रस्त प्रवासी रुग्णालयात दाखल झाल्यास त्याला कमाल १ लाख रुपये व बाह्यरुग्णांसाठी (ओपीडी) १० हजार रुपयांपर्यंतची नुकसानभरपाई मिळणार आहे. तसेच प्रवासी बाह्यरुग्ण उपचार आणि रुग्णालयात दाखल असल्यास, रुग्णालयातील संरक्षणा व्यतिरिक्त ओपीडीचा कमाल खर्च १० हजार रुपयांपर्यंत दिला जाणार आहे.किरकोळ दुखापतीच्या भरपाईसह वैद्यकीय खर्चाअंतर्गत कमाल ९० हजार रुपये इतकी भरपाई देण्यात येणार आहे. अपघातांदरम्यान प्रवाशांचा मृत्यू झाल्यास ५ लाख रुपये नुकसानभरपाई मिळण्याची तरतूद करण्यात आली आहे. तसेच कायमचे किंवा आंशिक अपंगत्व आल्यास ४ लाख रुपयांपर्यंत नुकसाईभरपाई या विम्याअंतर्गत मिळू शकणार आहे.(एमएमएमओसीडब्ल्यू), ही पॉलिसी ज्या प्रवाशांकडे वैध तिकीट/पास/स्मार्ट कार्ड/क्यूआर कोड/वैध परवानगी असेल अशा सर्व प्रवाशांसाठी लागू असेल. तसेच वैध प्रवासी हा मुंबई मेट्रो स्थानकाची इमारत, फलाट किंवा रेल्वेमध्ये किंवा स्थानक परिसरात, अशा सर्व ठिकाणी वैध असेल. पण मेट्रो स्टेशन इमारतीच्या बाह्य क्षेत्रात काही अनिश्चित घटना/अपघात घडल्यास या विमा पॉलिसीचे सरक्षण त्या व्यक्तिला लागू होणार नाही.प्रदूषण आणि वाहतूककोंडीपासून सुटका करणाऱ्या मेट्रोच्या मेट्रो २ अ (दहिसर- डी. एन. नगर ) आणि मेट्रो ७ (दहिसर-अंधेरी) या दोन मार्गिका जानेवारीपासून मुंबईकरांच्या सेवेत येत आहेत. या मार्गिकांमुळे मुंबईकरांना १५ किमी अंतरासाठी फक्त ३० रुपये खर्च करून अर्धा तासांत इच्छित स्थळी पोहोचता येतंय.
या मार्गामुळे मुंबईकरांना वाहतुककोंडीतून मोठा दिलासा मिळतोय. मेट्रो २ अ वरील अंधेरी पश्चिम हे स्थानक मेट्रो १ वरील डीएन नगर स्थानकाशी जोडलेले आहे. तर मेट्रो ७ वरील गुंदवली हे स्थानक मेट्रो १च्या पश्चिम द्रुतगती मार्ग या स्थानकाशी जोडलेले आहे.दुसरीकडे गोरेगाव, मागाठाणे, बोरिवली या भागात नोकरी करणारे व पूर्व उपनगरात राहणाऱ्यांचीदेखील मोठी सोय झाली आहे. या सर्वांना आतापर्यंत दहिसर, बोरिवली, मालाड आदी भागांतून रिक्षाने लोकल स्थानक व तिथून लोकलने अंधेरी स्थानक, तिथून मेट्रोने घाटकोपर, असे जावे लागत होते. आता मात्र कामाच्या ठिकाणाहून लगेच मेट्रो स्थानक गाठून थेट गुंदवलीला जाता येत आहे.