गुन्हेगारी

डॉक्टर तरुणीला आत्महत्येस प्रवृत्त करणाऱ्या सांगलीतील एका डॉक्टरला बिबवेवाडी पोलिसांनी नवी मुंबई परिसरातून केली अटक….

आरोपी डाॅक्टर सावंतविरुद्ध आत्महत्येस प्रवृत्त करणे, तसेच फसवणूक केल्याप्रकरणी न्हा दाखल करण्यात आला होता;

पुणे :आरोपी डॉक्टरने तरुणीकडून दहा लाख रुपये उकळून तिची फसवणूक केली होती.याप्रकरणी डॉक्टर कुलदीप आदिनाथ सावंत वय ३० रा. उमराणी रोड, शंकर कॉलनी, जि. सांगली याला अटक करण्यात आली. त्याला नवी मुंबई परिसरातून ताब्यात घेण्यात आले होते. याबाबत डाॅक्टर तरुणीच्या वडिलांनी बिबवेवाडी पोलीस ठाण्यात फिर्याद दिली होती. आरोपी सावंत याने एका विवाहविषयक संकेतस्तळावर नोंदणी केली होती. संकेतस्थळावर बिबवेवाडीतील डाॅक्टर तरुणीची आरोपी सावंत याच्याशी ओळख झाली. सावंत विवाहित होता. ही बाब त्याने डाॅक्टर तरुणीपासून लपविली होती. त्यानंतर त्याने डाॅक्टर तरुणीला जाळ्यात ओढून तिच्याकडून वेळोवेळी दहा लाख रुपये घेतले. तरुणीने विवाहाबाबत विचारणा सुरू केल्यानंतर त्याने उडवाउडवीची उत्तरे दिली. बिबवेवाडीतील दवाखान्यात डाॅक्टर तरुणीने विषारी ओैषध पिऊन आत्महत्या केली. आत्महत्येस प्रवृत्त करणे, तसेच फसवणूक केल्याप्रकरणी आरोपी डाॅक्टर सावंतविरुद्ध गुन्हा दाखल करण्यात आला होता. गुन्हा दाखल झाल्यानंतर तो पसार झाला.  तो नवी मुंबईत असल्याची माहिती बिबवेवडी  पोलिसांना मिळाली. त्यानंतर पोलिसांच्या पथकाने त्याला ताब्यात घेतले.

पोलीस उपायुक्त डॉ. राजकुमार शिंदे, सहायक आयुक्त धन्यकुमार गोडसे यांच्या मार्गदर्शनाखाली  शंकर साळुंखे,  शशांक जाधव,  सोमनाथ सुतार,  नीलेश खोमणे, सुमित ताकपेरे, अजय कामठे, विशाल जाधव, ज्योतिष काळे, आशिष गायकवाड, शिवाजी येवले,  प्रवीण पाटील यांनी ही कामगिरी केली.

Related Articles

Leave a Reply

Your email address will not be published. Required fields are marked *

Back to top button