नवी मुंबई
पनवेल ते सीएसएमटीपर्यंत धावणाऱ्या लोकलचा डबा रुळावरून घसरला; प्रवाशांचे हाल, लोकल सेवा विस्कळीत.
आज सकाळी साडे अकराच्या सुमारास सीएसएमटी रेल्वे स्थानकापूर्वी रुळावरून घसरल्याची घटना घडली.
या घटनेची माहिती मिळताच मध्य रेल्वेचे अभियांत्रिकी पथक घटनास्थळी दाखल झाले.रेल्वे रुळावरून घसरलेला लोकल ट्रेनचा डबा उचलून रेल्वे रुळावर आण्यासाठी युद्धपातळीवर प्रयत्न काम सुरू केले आहे.
या घटनेमुळे सीएसएमटी ते पनवेल दरम्यानच्या लोकल सेवा ठप्प झाली आहे. सीएसएमटीकडे येणाऱ्या लोकल सेवा एका मागे एक उभ्या असल्याने प्रवासी लोकल डब्यात अडकून पडले आहे. आठवड्याच्या पाहिल्याच दिवशी लोकल रेल्वे रुळावरून घसरल्याने प्रवाशांचे मोठे हाल झाले असून रेल्वेच्या कारभारवार प्रवाशांनी नाराजी व्यक्त केली आहे.या घटनेमुळे प्रवाशांना कसलीही इजा झालेली नाही. सीएसएमटीच्या दिशेने जाणाऱ्या गाड्या मस्जिद स्थानकापर्यंत आणल्या जात आहे. हार्बर मार्गावरील सेवा वडाळ्यापासून सुरू राहतील. घसरलेल्या रेल्वे डब्या रेल्वे रुळावर आण्यासाठी अभियांत्रिकी पथक काम सुरू केले आहे.
