अल्वपयीन मुलाकडून तरूणावर कोयत्याने वार

अभिषेक सिंग (३६), कमल सिंग (२५), योगेश मिश्रा (२९) अशी अटकेत असलेल्या आरोपींची नावे आहेत. काही दिवसांपूर्वी राजू याच्या मित्राचे कलम सिंग याच्यासोबत वाद झाले होते. हे वाद मिटविण्यासाठी राजू याने दोघांना शास्त्रीनगर भागात भेटण्यासाठी बोलावले होते. त्यावेळी कमल सिंग हा त्याचे मित्र अभिषेक, योगेश आणि एका १६ वर्षीय मुलाला घेऊन आला. काहीवेळाने राजू आणि अभिषेक यांच्यामध्ये वाद झाला. त्यानंतर योगेशने राजूला शिवीगाळ तसेच मारहाण करण्यास सुरूवात केली. तर अल्पवयीन मुलाने त्याच्या हातातील कोयत्याने राजू याच्या हातावर वार केले. तर योगेशने सळईने मारहाण करण्यास सुरूवात केली. या घटनेत राजू जखमी झाला आहे. याप्रकरणी वर्तकनगर पोलीस ठाण्यात गुन्हा दाखल करण्यात आला असून पोलिसांनी अभिषेक, कमल आणि योगेश या तिघांना अटक केली आहे.