स्वत:च्याच बंदुकीतून गोविंदाला लागली गोळी,मुख्यमंत्री एकनाथ शिंदेंनी केली विचारपूस ….
अभिनेता गोविंदाच्या स्वत:च्या बंदुकीतून मिसफायर झाल्याची धक्कादायक घटना आज १ ऑक्टोबर पहाटेच्या सुमारास घडली. गोविंदाच्या पायाला ही गोळी लागल्याने अभिनेता गंभीर जखमी झाला. त्याला पुढील उपचारांसाठी तातडीने मुंबईतील क्रिटी केअर रुग्णालयात दाखल करण्यात आलं.गोविंदाच्या पायातून डॉक्टरांनी गोळी काढली असून तो आता सुखरुप आहे. सध्या अभिनेत्यावर रुग्णालयातच उपचार सुरू आहेत. मुख्यमंत्री एकनाथ शिंदेंनी गोविंदाला फोन करून त्याच्या तब्येतीची चौकशी केली आहे.दरम्यान, गोविंदा पहाटे कोलकात्याला जाणार होता. यावेळी परवाना असलेली बंदुक कपाटात ठेवत असताना त्याच्या हातातून पडली आणि अभिनेत्याच्या पायाला गोळी लागली.मी गोविंदा यांच्याशी संपर्क साधून त्यांच्या प्रकृतीबद्दल विचारपूस केली. ते लवकर आणि पूर्ण बरे होण्यासाठी आणि त्यांच्या स्वास्थ्यपूर्ण जीवनासाठी राज्य सरकार आणि जनतेच्या वतीने सदिच्छा व्यक्त केल्या. गोविंदा आणि त्यांच्या कुटुंबीयांना या कठीण काळात सर्व आवश्यक मदत मिळेल याची खात्री दिली आहे. आमच्या सदिच्छा आणि प्रार्थना त्यांच्या प्रियजनांबरोबर आहेत. गोविंदा हे भारतीय चित्रपटसृष्टीतील एक लोकप्रिय आणि प्रतिष्ठित व्यक्तिमत्व आहेत. त्यांनी त्यांच्या अभिनयातून लाखो लोकांना आनंद दिला आहे. ते लवकर बरे होण्यासाठी सदिच्छा व्यक्त करत आहोत.” असं मुख्यमंत्र्यांनी म्हटलं आहे. माहिती व जनसंपर्क महासंचालनालयाकडून एक्स पोस्ट करत ही माहिती देण्यात आली आहे.
